Description du livre
Notum sit omnibus hominibus tam presentibus quam futuris quod anno Domini millesimo ducentesimo decimo septimo indue 5 februari, Nos Raimundus Berengarii, Dei gratia Marchio et Comes Provincie et Forcalquerii, et Nos Guillerma, Dei gratia Comitassa Provincie et Forcalquerii, tutrix Raimundi Berengarii, filii mei, Comitis Provincie, attendentes et recognoscentes servicium et fidelitatem quod et quam vos probi homines habitantes, ac bona in Casto nostro de Gomberto et ejus territorio possidentes, usque nunc intulistis et adhuc credimus et speramus vos, cum hominibus Massillie, nobis et successoribus nostris inferre, bona fide et spontanea voluntate donamus et concedimus vobis et vestris successoribus et omnibus hominibus presentibus et tuturis Castri de Gomberto nunc et in perpetuum permanentibus, franquesiam ab omni exactione, et donamus et concedimus vobis omnibus predictis presentibus et futuris aliqua contra, sed volumus vos esse et vestros successores inmunes et liberos ab omni vexatione et exactione, et volumus ut vos et omnes res vestre in omni terra nostra habita et habenda in omni comitatu, habito et habendo citra Durentiam et extra, in mari et in terra et in omnibus aquatibus et fluminibus, sint inmunes et liberi ab omni pedagio et usatico et lignis et ab omnibus forcis, et volumus ne aliquis pro nobis pedagia capiens, lesdas vel usatica in mari vel in terra vel in fluminibus sit ausus ab omnibus predictis presentibus et futuris pedagia vel lesdas vel usatica capere ; et si aliquis contra hanc donationem et nostram cessionem venire ausus fuerit vel presumpserit, volumus itaque indignationem nostram incurrere, et volumus et declaramus dictum Castrum de Gomberto et ejus territorium esse territorium unitum et conjunctum et comprehensum cum territorio civitatis Massillie ; volumus et declaramus quod dicti homines de Gomberto habentes et possidentes bona in dicto Castro de Gomberto et ejus territorio uti, frui et gaudere possint et valeant libertatibus, privilegiis, franquesiis, inmunitatibus, per nos successores et predecessores nostros in dicto comitatu dicte civitatis Massillie, hominibus illius concessis et concedendis quibus usi fuere et utuntur dicti nostri homines Massillie, eos denique immunitatibus, privilegiis, franquesiis, libertatibus, ponendo, instituendo et inmitendo et nihilominus omnia universa et singula arreragia in quibus teneri possent Curie regie usque in diem presentem, ratione subsidiorum et impositionum quorumcumque usque nunc in patria generalliter ordinatorum pro tempore preterito hominibus jamdictis de Gomberto.
Fruit d’une sélection réalisée au sein des fonds de la Bibliothèque nationale de France, Collection XIX a pour ambition de faire découvrir des textes classiques et moins classiques dans les meilleures éditions du XIXe siècle.